الاول اسم الرهبه والهيبه والبريق

شئ بيسعى الجميع اليه , لقب يتمنى الكل انهم يسموا بيه , الاول حلم يراود الجميع , لقب يعطى هاله من الثقه والبريق لمن يلقب بيه , بس هو مسمى لاياتى الا بالتعب والجهد والكثير من العناء ...

دياب او النمره واحد , اسم يوقع الرهبه فى النفوس , لك ان تقول ان البوم دياب هينزل فى الموعد الفلانى , وسترى حينها امطار تتهاطل من التاجيلات والا نسحاب بالجمله من ساحه المواجهه , هتلاقى ناس اتكلمت كتير ولما قرب وقت الجد اختفوا كلهم..وما هى الا رهبة الكبار ...

الرهبه اللى بتخليك تحسب الف حساب قبل ماتقدم على اى تصرف يورطك فى مواجهه هذا الكبير , سواء فى البوم او حفله او اى شئ يخص منطقة دياب , رهبه لايوقعها فى النفوس اى نجم , هى تاتى فقط من الرموز ...

بنشوف لقاءات لنجوم كتير برامج وحوارات وغيرها , احيانا مابتحسش فيهم بنكهة النجم اللى بتهوى الناس مشاهدته ...

انا افتكر مره اتصال اجراه الهضبه فى برنامج على( الاف ام) كانوا مستضيفين فيه العبقرى الكبير مدكور بعد البوم كمل كلامك , وبعد ماقفل دياب اتصاب المذيع بحاله من الذهول عبر عنها بلسانه بانه ( اتخطف ) من مكالمة دياب , ارتبك بس من مكالمة تيلفونيه , فايه اللى هيحصل لغيره بمقابلة الهضبه وجها لوجه ! .. ايوه هى الهيبه ...

الهيبه من راجل بتشوف نجاحاته كل سنه من غير ماتطوله , نجم انت محتاجله اعلاميا وهو فى غنى عنك , مطرب تتمنى اكبر االمحطات خطف صورته فى لقاء حتى ولو لدقائق , عشان يكتب فى ارشيفهم انهم يوما ما استضافوا النجم الاول فى زمانه , رمز الفن الابرز فى حقبته ...

بتمر السنين وتبقى قيمة الاعمال , البومات بتذهب ادراج الرياح والبومات بتحفر نفسها فى ذاكرة الناس بكل الحب ..

لانه الاول , عمره ما خيب امل الجمهور ولاكان اقل من طموحات الناس اللى عشقت خضات نجاحه , دايما بيثبت انه بيستحق ثقة الشريحه الكبيره اللى راهنت على انه قمة هذا العصر ...

البومات دياب مش زى غيرها من اللالبومات اللى بتتسمع وتترمى , البوماته بتتسمع ويتحكى عنها لسنين طويله لانها البومات للعمر , اتعملت بفكر راجل مش عايز ينجح وخلاص , انما عايز اعماله تعيش وتنجح , وهى دى القيمه الغايبه عند الكثيرين ..

دياب اللى كل مالنجاح بيزيد كل مارتم التفوق عنده بيكبر ويعلى , الراجل اللى كل ما انتشرت اقاويل البعض بظهور نجوم بتهدد مكانه وقمته , كل ما اثبت انه رقم اصعب من ان يكسر , دايما بياكد انه المطرب اللى اتولد جواه طموح صعب يبقاله حدود ...

سنين النجاح امتزجت ببريق رهيب صعب انكاره , اختلطت بكاريزما مهوله وطاغيه لنجم اتعود على خطف الاضواء فى كل مكان تدوسه اقدامه ...
بريق من الذكاء والسحر والمتعه اغنانا بشده عن رؤية نجوم بلا روح , نجم جذاب بحضوره يجبر عيونك على انها ماتفارقش صورته طول ماانت شايفه ..
مش من الصعب انك تكون الرقم واحد فهو مع الجهد والوقت من الممكن ان ياتى , ولكن هو حلم هيصعب تحقيقه فى زمن عمرو دياب ..
تحياتى للجميع

مشكور

ألف شكر على المروووووووور