أسماء مطربين وتاريخهم مع ديااااااااب ...منهم من ظهر على حقيقته

تاريخ دياب مطربين كتير نافسوه وعاشروه وصاحبوه وكرهوه وحقدوا عليه وفرحوله وساعدوه وحاربوه ووووو

هقولكم اسماء ناس كتير كان ليهم مع عمرو دياب قصص وحكاوي وكلام وحش وكلام حلو

نبدا كده باسماء وحكايتهم مع عمرو

1
محمد فؤاد
المنافس الاقوي تاريخ عمرو دياب
يعتبر اكتر مطرب قدر ينافس وافتكر انه لغايه سنه 2000 كان فؤاد ممكن يقدر يتفوق علي عمرو ساعاات وعمرو يرجع يتفوق عليه اوقات تانيه وهكذا

فؤاد بالرغم من كل اشاعات الحرب بينه وبين دياب وبالرغم من المنافسه القويه جدا جدا جدا جدا عمرنا مسمعناله غلط في حق عمرو دياب
عمرنا مشفنا فؤاد بيقول انا احسن من عمرو عمرو مش الاول او اتكلم عنه وحش

فؤاد مطرب كبير بقنه به يستحق تحيه كل الديابيين مهما اختلفنامعه فنيا زي انا مثلا مبقتش احب البوماته باستثناء ولا نص كلمة الاخيره لكنه مطرب محترم لم يسيء لدياب قبل كده

2.
محمد منير
برضه مطرب محترم جدا وقيمه فنيه كبيره جدا وبيتكلم عن عمرو حلو ومبيههينش عمرو
ولكن
ليه واقعتين شهريتين اخطا فيهم منير في حق عمرو دياب وهما

الاولي
في برنامج ساعه صفا مع صفاء ابو السعود جاله سؤال بيقوله انك يا منير لم تصل للعالميه غير لماروحت اتعاون مع الالمان ورحتلهم انت لغايه عندهم عكس عمرو دياب ال يقدر يوصل للعالميه بايدي مصريه 100% وبشغل مصري فقط

راح قايل
بتريقه كده شويه
اه ماهو اصل عمرو دياب اصلا عالمي من 20 سنه وكان متضايق اوي

الثانيه
في حفله الاوبرا اللي اتطرد فيها تامر حسني من جمهورمنير
كان فاتح نص القميص ورايح قايل للجمهور اصل الموضه السنه دي القلع
وكانت الحفله بعد نزول البوم عمرو دياب ب5 ايام فقط لا غير

دول واقعتين منير ولكن انا شايف ان طريقه السؤال بتاعه صفاء ابو السعود استفذت منير وطلعت منه الكلمه بالشكل ده ولكنه الا واخيرا ايضا مطربكبير حتي ان لم يحترم فن عمرو فهو يحترم اجتهاده ونجاحه

3.
عامر منيب
المحترم دائما
يكفي ان الراجل ده قال كلمه وحده
افتخر ان المطرب العربي الاول مصري وهو عمرو دياب
يكفي انه قال كلمه حق بالرغم انه مش صديق لعمرو زيماهو صديق قوي مثلا لفؤد ومصطفي قمر

4.
اصاله
اصاله مطربه احترمت تماما جمهور دياب واحترمت عمرو دياب شخصيا وكفايه انها في اخر 4 سنوات دايما تقول ان عمروهو المطرب العربي الاول وانه سيد الجيل الحالي

5.
مصطفي قمر
بالرغم من ان عمرو عمره مااتكلمعنه وحش او هاجمه
بالعكس بالرغم من زياره دياب ليه في كواليس فيلم بحبك وانا كمان الا ان الراجل ده اظهر حقد شديد علي دياب يوم ماكان مع عمرو اديب قال ان عمرو مش رقم واحد وانا مديلوش رقم واحد
اللي يضايق مش الكلمه لانمن حقك متديش عمرو رقم 1 ولكن طريقته ي الكلام والعصبيه والحقد اللي بان في عينه

انا من يوميها مسمعتش لمصطفي قمر اي اغاني

6.
ايهاب توفيق
الحاقد الاكبر علي عمرو دياب
يعذرني جمهوره بقي
اولا ايهاب مطرب وقف بيه الزمن مع سنه 1997 ومش متخيل لغايه دلوقتي اننا في 2007
يكفي انه قال علي عمرو دياب انه اصلا مشمن مطربي القمه وان مطربي القمه هما
هو ومصطي وهاني وفؤاد
يكفي انه قال انا مبسربش البومي علشان ابيع لاني فنان وكان ده بعد تسريب البوم عمرو باسبوع
ايهاب مطرب لم يحترم تاريخ زميله وهاجمه بشكل مباشر اخر 3 سنوات بشكل غريب ومقزز

7.
اليسا
انقلب بيها الحال 180 درجه ثم رجع يتحسن تاني في الفتره الاخيره
لماظهرت كانت دايما بتقولنفسي اعمل ديو مع عمرو دياب
ثم فتره نجحت فيها بقوه بقت بتقول لا انا نفسي راغب وفضل والجسمي
ثم عادت لتحترم دياب تاني وتكررانه سوبر ستار العرب
اتمني من

اليسا التركيز فيحاجه واحده بس
ولكن لا الومها لانها برضه مطربه جديده ممكن تكون متخبطه في تصريحاتها شويه

8.
هسام عباس
ه
الطيب السمح اللي مبيكرهش حد
دايما كان بيتكلم عن عمرو حلو اوي لدرجه اي فاكر له حوار في اخبار النجوم ايام نزول البوم تمليمعاك لعمرو وكان بيقول فيه عمرو ومنير اساتذتي في الفن
هشام بدا ولكن بشكل بسيط يبقي كلامه وحش شويه عن عمرو ولكن برضه يمكن ميكونش هجوم ولكن مجرد راي زي رايه في البوم الليلاديوزياستغرباه من تضخيم الصحافه لخبر فوز دياب بالاوورد

عموماهشام احناعارفين انك فعلامطرب محترم ولكن يا ربت تراجع تصرياحتك عن دياب الفتره الاخيره

9.
محمد محي
ملاك الفن
محدش بتهيالي سمع للراجل ده اصلا كلمه وحشه عن اي حد قبل كده
تحس انه اخوك الطيب الغلبان بجد
الراجل ده مش هقول اكتر من انه قال في موقع في الفن ان غناء عمرو دياب لاغنيه هو غناها قبل كده ده اضافه ليه لان عمرو ده استاذ كبير
تخيل مطرب كبير بيقولكده عن مطرب كبير
قمه الاحترام يا محي علشان كده احنابنحبك

10.
شيرين
سبحان مغير الاحوال برضه
شيرين اول مظهرت كانت دايما تقول انها تعشق دياب وانها فين وهو فين وكانت بتطلع اي برنامج تغني اغانيه
مش عارف ايه اللي جرالها
ضايقتني في برناج عمرو دياب لما غنت نقول ايه بالعافيه وكانت بتقول انها هتغني لعمرومع انه مبيغنيلهاش

برضه شيرين اصبحت عموما محيره ومتخبطه علشان كده مبلومهاش علي اي كلمه بتطلعمنها في الفتره اللي فاتت لانها شافت كتيروهي لسه صغيره كده


11.
نانسي عجرم
الناس ضحكوا عليها وقالولها انتينجمه كبيره ونجمه صف اول يا نانسيوهي صدقت
فبقت بتطلع تقولك انا الاورد اترضت عليا وانها الاحق بيها
ولكن دي نانسي
يعني عادي
طفله
مستنيين منها ايه

12.
سامو زين
اممممممم
بصوا
سامو اولماظهر خالص بعد اغنيه انا ليك علي طول في زهره الخليج قال ان راغب علامه مطربوعمرو دياب مؤدي
ولكن
في اخر سنتين الراجل بقي بيقول كلام وبيمدح في دياب بشكل رهيب
هضبه واتشرف انه يقلدني واتشرف انه اغني اي اغنيه طلعت منه وسوبر ستار وافضل مطرب عربي

مش عارف
هل اعاده حسابات
ام فعلا الراجل عرف قيمه دياب
ام انها كانت فبركه لزهره الخليج

13.
محمد حماقي
مهماسمعنا عن خلافات بينه وبين دياب الراجل دايما بيجبرنا نحترمه لانه جنتل ولما بيتكلم عن عمرو دياتب بيديله حجمه تماماحتي فتره الخلافات بيهم لما اتكلم عن عمرو اتكلم بكل ادب وزوق بجد
حماقي
نجم المستقبل

14.
انغام
انغام نيو لوك
من سنه 2004 وانغام تصريحاتها اختلفت تماما
كانت الاول بتشوفان الاغنيه الشبابيه فاشله
لما بقت انغام بتغنيها اصبحت بتتكلم عن عمرو حلو اوي اوي ولازم تشكر فيه في كل مره بتتكلم فيها عن اي مطرب لردجه انها غنتله اغنيه قمرين وهو المطرب الوحيد الشاب الي غنتله انغام

15.
العسيلي ومحمد عدويه وحاتم فهمي وايساف وحسام حبيب ولؤي ورامي صبري واحمد فهمي ومحمد نوروزيزي عادل ومي كساب ووووووو
الناس دي كلها اتكلمت عن دياب بكل ادب واحترم وتقدير لقيمته الفنيه الكبيره

16.
تامر حسني
مشهقولاكترمن البني ادم ده بيكره عمرو دياب بشكل غير طبيعي وبيحقد عليه جدا وان سبب الخلافات مش الصحافه لكنه فعلا مبيحبش عمرو ويكفي انه المطرب المصري الوحيد اللي طلع شكك في جايزه عمرو دياب الاخيره

17.

لطيفه
مطربه دايما بتتكلم حلو عن عمرو دياب وبتقول دايما انه مطرب كبير ويكفي تهنئتها ليه رسميا علي فوزه بالاوورد الاخيره

فيه ناسمقولتهاش لانهم مش محتاجين كلامي لانهم دايما بيحترموا عمرو دياب زي حميد الشاعري مثلا
وفيه ناس مقلتهاش لانهم دايما حاقدين علي عمرو دياب برضه
18.
علي الحجار
مطرب ذو حنجره تاريخيه
له لون مختلف تماما تماما عن دياب
يكفي انه في دريممن يومين قال ان عمرو وزير الفن
يكفي انه قال ان عمرو قادر يغني صح وعنده عرب صوتيه قويه جدا