العلاقة بين الحياة والفيديو جيم ( تأليفي )

بسم الله الرحمن الرحيم

طبعا قليل قوي لما تلاقي حد مبلعبش فيديو جيم

كمبيوتر أو بلاستيشن أو اكس بوكس

أو اي حاجة كانت مش هتفرق

المهم ان بعد تفكير كبيييير جدااا لقيت ان فيه علاقة واضحة بين حياتنا و الفيديو جيم

أولا كل واحد مننا بتتقسم حياته لمراحل مختلفة وهو ده حال الفيديو جيم

بس للأسف في حياتنا لو مقدرتش تعدي مرحلة هتخش علي الأصعب دون سابق انذار لان المرحلة مرتبطة غالبا بمرحلة

عمرية معينة لان كل الناس بتلعب معاك بس في مستوي تاني يإما اسهل يا أما اصعب المشكلة الحقيقية ان في الفيديو جيم

عندك فرصة انك ترجع تاني لو غلطت ممكن تصلح غلطك يعني انما وانتا بتلعب في الدنيا فرصتك بتبقي واحد بس لا ده

كمان ممكن ميكونش عندك فرصة كاملة لان هدف الحياة زي الفيدو جيم انك متوصلش للنهاية أو لازم تخسر كتير علشان

توصل واللاعب المحترف هو اللي يقدر يوصل لخط النهاية بأقل خسائ ممكنة

فيه اختلاف كمان بين حياتك والجيم ......

ان الجيم انتا اللي بتطلبه وبتشتريه وممكن تكون هتموت عليه

انما حياتك فرضت عليك زي ماهي ومش ممكن تغيرها لانه قدر وصعب جداااا بل مستحيل انك تغير فيه

ده فرق مهم جدااا لان المتاعب بتتفرض عليك مش انتا اللي بتسعي لها

بس مهما كان اللي قولته

لذه اللعب في الحياة امتع بكتير جداا من الجيم لانك بتبسم و بتتألم وبتحب وبتجرح وبتدمع وبتفرح

كل دي مشاعر ممكن يكون اغلبها صعب بس هتعمل ايه بقه قدرك كده زي ما بيقولوا

المهم انك متفكرش تنسحب ولازم وانتا بتلعب مع الحياة تكون محترف جدااا علشان تقدر توصل لخط النهاية

ومهما حصل متيأسش لان حياتك ملكك يعني بمصطلح الجيم
كنترولك في ايدك

فاتحكم

وعدي

واكسب

وضحي

المهم انك توصل

وسلالالالالالالام

بس انت نسيت ان فى الجيم

بتلاقى دم وحياة تانية ومحاولات وما بتلاقيش ظلم

من حد بيلعب معاك نفس اللعبة

وما بتلقيش حد اكبر منك بيعطيك على دماغك

انا عارف انتا تقصد ايه بالظبط يا شيتوس

اكيد منسيتش كل ده

الفيديو جيم عايزاك تلعب

فتسهل بعض الأمور

الحياة عايزاك تزهق

فبتعقد كل الأمور

ده فرق مهم جدااا لان المتاعب بتتفرض عليك مش انتا اللي بتسعي لها