ازاى تعملى اكسسوار لنفسك ولبيتك

تعالي نعرف مع بعض الأول إزاي ممكن إنك تعملي إكسسوار لنفسك وعلى فكرة الإكسسوار ده شكله حلو ومناسب جدًّا للمصيف والبلاج ومش هيكلفك حاجة خالص لأن خامته موجودة عندك في البيت
تعالي نشوف ازاي
كل اللي هتحتاجيه
• أستك أو خيط مطاط
• إبرة
• مقص
• مجموعة من الزراير الملونة وبأشكال مختلفة
ازاى تعملى اكسسوار لنفسك ولبيتك Kamar_15

ازاى تعملى اكسسوار لنفسك ولبيتك Kamar_15

الخطوات
الخطوة الأولى
جربي الاستك علي إيدك عشان تعرفي المقاس اللي يناسبك وعلى أساسه هتقصي الاستك ومتنسيش إنك تتأكدي إن فيه مساحة كفاية علشان لما تربطي الأسورة الاستك مايمسكش على أيدك.
الخطوة الثانية
مرري الاستك من خلال ثقبين كل زرار بمساعدة الإبرة وخدي بالك أنك لو مررتي الاستك من خلال ثقب واحد الزراير هتكون بشكل معوج لما تلبسيها وهتبقى شكلها مش حلو.
الخطوة الثالثة
خلي في نص الأسورة زرار كبير أو شكل مختلف عن الباقي وعلى فكرة ممكن أنك ترتبي الأسورة بالشكل اللي يعجبك وبألوان على ذوقك.
وده الشكل النهائي اللي هتلاقيه
ازاى تعملى اكسسوار لنفسك ولبيتك Kamar_16

ازاى تعملى اكسسوار لنفسك ولبيتك Kamar_16

إزاي تعملي من تي شيرت مخدة
ازاى تعملى اكسسوار لنفسك ولبيتك Kamar_17

لو عندك تي شيرت قديم صغر عليكي أو لونه بهت من كتر الغسيل أوعي ترميه تعالي نعمل بيه مخدة حلوة تنفع إكسسوار لأوضة نومك مستغربيش قوي كده المخدة اللي هنعملها سهلة أوي ومش هتأخد منك وقت..
كل اللي هتحتاجيه
• أي تي شيرت قديم عندك
• قطن
• إبرة
• خيط بلون التي شيرت
الخطوات
الخطوة الأولى
هتفردي التي شيرت على الترابيزة وبعدين هتبدئي تخيطي التي شيرت من الأمام والخلف والكمام بحيث إنك تقفلي كل الفتحات اللي فيه ما عدا منطقة الرقبة هتسبيها مفتوحة.
الخطوة الثانية
ابدئي في حشو التي شيرت بالقطن لحد ما يتملئ ويدي شكل المخدة.
الخطوة الثالثة
خيطي فتحة الرقبة ولمظهر جميل ممكن تركبي في التي شيرت زراير ملونة.

بس كده خلاص خلص درسنا النهارده

ياللا بسرعة طبقيه عملي
وابعتي وقولي لنا على النتيجة..

كمان لو عندك فكرة حلوة يا ريت إنك تبعتي وتقولي لنا عليها علشان ننشرها

مشكوووووووووووووورة جداااا

ميرسى ليكى يا لولة ع المرور