بلدنا فى الحاضر

بلــــدنا فــــي الحــــاضــر

-1-
زمان , لما كان الواحد بيحب , كان بيحب بجد و كان راضي بالجوزاة و الخطوبة , لأن زمان كانت الجوازة مريحة ..
أما الآن , فالحال بقى غير الحال, حيث إن الواحد من الشباب مش عايز يتجوز , المهم يبصبص و يصاحب بنات و بس .... و يعيش أعزب , أحسن لو اتجوز , مراته مش ح تكدب عليه كدبة إبريل , دي ح تكدب عليه على طول ...

-2-
زمان , المرأة المسلمة كانت محتشمة و محترمة لأقصى ما يمكن ....
أما الآن , فليس أمامها إلا أن تتحزق , و هذا لا يرضي الله !
و أن تصاحب شباب و هذا لا يرضي الله !

-3-
زمان , كان في حروب و كنا بنعمل مظاهرات ياما و بنضحي بنفسنا عشان مصر ...
أما الآن , فبعد فوز مصر بكأس الأمم الأفريقية , قامت الدنيا و قعدت و عملنا مظاهرات ياما ...
و نسينا إن الرسول (ص) أُسيئ إليه الكفرة الدنماركيين ... بذمتكم ده إسمه كلام ؟؟

-4-
زمان , كان التليفزيون المصري في مقدمة كل التلفزيونات العربية ...
أما الآن , فأصبح التلفزيون المصري يقلد الفنوات الفضائية ....
بل , يأتي بأشياء لم تأتي به القنوات الفضائية ..
و الله التلفزيون اتقدم يا جدعان !

-5-
زمان , ... بالمعنى المفهموم إن الولاد كانوا بيعاكسوا البنات ...
أما في جيلنا الجديد ده , أصبح البنات بتعاكس الولاد ....

-6-
زمان , لما كان يأتي وقت عيد الأم , كان كل الأبناء بيجيبوا أغلى الهدايا لأمهم ...
أما دلوقتي , فنادراً ما نجد ابن أو ابنة يجيب أو تجيب لأمها هدية ثمينة ....
حيث أن الأبناء بخلة قوي , فيقولون لأمهم : كل سنة و إنتي طيبة يا أحلى أم في الدنيا ...
في كده في الدنيا ؟!

-7-
زمان , الممثل كان بيمثل له فيلمين أو 3 أفلام في السنة ... و ما كانش بيتقطع نفسه , لذا فأكل العيش كان بيجي لغاية عنده بسرعة ...
أما الآن , فنجد أن الممثل يمثل 5 أفلام في الشهر , و إحنا عمالين نسأل : إزاي الممثل ده مثل كل الأفلام دي في شهر ؟
الإجابة بكل بساطة , إن الممثل مهما حصل , ح يضحي بقلبه عشان أكل العيش اللي عمال يجري وراه و ما بيعرفش يمسكه أبداً ....
أي أن اللمثل أهم حاجة عنده الفلوس , إنما صحته ... في 60 داهية ...
و هذا ما يحدث في عصرنا الحالي .. !

-8-
زمان , كانت الحكومة بتمنع الأفلام ( قليلة الأدب ) عشان الرقابة و الكلام اللي إنتو فاهمينه ده ..
أما دلوقتي , فلا نجد فيلم واحد محتشم , و الحكومة عمرها ما وضعت أي رقابة على أي أفلام جديدة , رغم إن كلها قلة أدب و غير محترمة !

-9-
زمان , لما الفنانة بتعتزل , ما كانتش بترجع لشغلها ..
أما دلوقتي , فالفنانة المعتزلة حديثاً , تعود لشغلها مرة أخرى , معتقدة أن الله لن يحاسبها على ذلك !

كل دي مواقف بنواجهها حالياً ....
إيه رأيكم ؟
لعلمكم , مش دول المواقف ...
إنتظروا بس الجزء الثاني ....

موضوع جميييل جدا
وفعلا حاجات كتير كانت زمان و اتغيرت فوقتنا ده ( وللأسف للأسوأ )

( بس في حاجة صغيرة , اظن الموضوع ده مكانو مش فقسم هزار x هزار )

فعلا يا زيزو

الموضوع جميل

وهيتم نقله انشاء الله

بس زمان , كان في حروب و كنا بنعمل مظاهرات ياما و بنضحي بنفسنا عشان مصر ...
أما الآن , فبعد فوز مصر بكأس الأمم الأفريقية , قامت الدنيا و قعدت و عملنا مظاهرات ياما ...
و نسينا إن الرسول (ص) أُسيئ إليه الكفرة الدنماركيين ... بذمتكم ده إسمه كلام ؟؟

الحتة دى استفزتنى أوووووووووووووووى

والله انا كان قصدى احط الموضوع فى قسم هزار بس مش عارف غلط
ودخلت دلوقتى ادور على هزار مليتوش بعدين لقيته هنا

هنقله
على العموم مشكووووورين جدا على ردودكوا