كل ما يبتدي يوم جديد - على عكس كل الناس - احس باني مش مبسوط
يوم جديد معناه عندي فشل تاني اني اتغير
حاولت كتير اني اغير الاحساس ده لكن مش قدرت
واللي فضل اني اكره ضعفي واستسلامي للموضوع
كأني هافضل زي ماأناكده على طول
بس أنا مش عايز افضل كده
انا فعلا عايز اتغير بس مش عارف الطريق
اول ماعملت اني قلت ان يمكن الدراسه بتأثر على حياتي قمت
مكبر للدراسه
لحد ماخلصت المعهد
وخرجت زي ماكنت من غير تغيير
قلت يمكن اصحابي هما اللي بياثروا على مسيرة التغيير - حلو
المصطلح دة من بتوع النشرة - فقمت عامل ايه ؟
بعدت عن صحابي - للاسف - ولقيت اني لسه زي ما انا
غيرت شكلي ولبسي وأكلي بس كل حاجه زي ماهيّ
انا تقريبا اللي فاضل اني اغيره هما أهلي
وبعدين باتغاظ لما حد يحسسني اني فاشل
مش عارف اعمل ايه
تقريبا هافضل فاشل ومش هاخد باغنيه شيرين
أنا مش هافضل كده على طول
مش هاستنى العمر يعدي
سامحيني يا شيرين
انا شكلي فاضل كده شويه
موضوع: انا فاشل 
الخميس يوليو 17, 2008 8:20 pm
