عاوز ترخم على الناس وتخنقهم منك...(اتفضلووووو ادخلوووووو)
+2
kimo_trix
the_star
6 مشترك
كاتب الموضوع
رسالة
the_star ميجاتي ذهبي
عدد الرسائل : 1031 العمر : 32 تاريخ التسجيل : 28/05/2008
موضوع: عاوز ترخم على الناس وتخنقهم منك...(اتفضلووووو ادخلوووووو) الخميس يوليو 03, 2008 2:39 pm
ازاى تبقى رزل فى الكليه خليك معايا وانت تكسب
فى الكلية هتقابل صاحبك وهتقعدوا على أى كافيه
هيجى الجارصون سيب صحبك يطلب الأول وبعدين استلم الجارصون بقى واديله نصيبه قوله عندك برجر ؟ هيقولك اه قوله حلو ؟ هيقولك تمام قوله اوك يبقى اكتب واحد شاورمة طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها المهم حاول تجيبله جفاف عقبال ماتطلب اللى انت عايزه
وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى المهم تخليله التربيزة شبه التورتة ومتنساش تعيب على الأكل وأنت بتحاسب وكمان تقول الحساب غالى