كارثه فى ميناء دمياط

شهدت ميناء دمياط امس اكبر كارثه شهدتها الميناء منذ ان تم افتتاحها
نعم انها حقا كارثه بكل المقاييس حيث باتت المينا فى اصعب ليله راينها فى الميناء ليله مليئه بالدم والدموع

ماذا حدث......؟

كانت الساعه تتقارب من ال7.30 مساءا حيث وكان كل شىء يسير بطريقه عاديه جدا وفى لحظه فوجئنا باصوات صراخ مدويه بجميع انحاء المينا ووجدنا الكل يتجه بسرعه عاليه الى مكان واحد وسيارات الاسعاف والمطافى تلاحقها فاسرعنا معها ولا ندرى ماذا حدث وعندما وصلنا الى موقع الحدادث شاهدنا شىء فظيع من الصعب رؤيته فوجدنا
صورا من المخزن الذى يتم فيه وضع الاسمده قد انهار تماما على من كان نائما تحته وكلنا نقف لا نعرف كم عددهم وهل هناك من منهم على قيد الحياه ام لا الكل يقف على امل ان ينجوا احد ولكن كيف كيف والوحيد الذى رايناه منهم تحت الانقاض قد تمزق تماما وللاسف حتى لو كان مازال على قيد الحياه فقد انتشاله بعد حوالى ساعتين من وصول فرق الانقاذ
ومن الطريف ان من رايته من فرق الانقاذ هو رجل سنه يتقارب من 50 سنه ولا اعرف ماذا يفعل هذا الرجل لشخص بين الحياه والموت ولكن لا تعليق

وظلت فرق لانقاذ فى عملها حتى فجر اليوم التالى وقد تم انتشال 5 جثث من تحت الانقاض ولم ينجو الا رجل واحد من 6 كان موجودين تحت الانقاض

ولكنى اسال من هم وما ذنبهم
انهم بعض الشباب الذين جاءوا من اقصى الصعيد لكى يجدوا مايساعدهم على المعيشه جاءو من بعد ماكانو ينامون على السراير لينامو وسط الاسمده والكيماويات على الارض وكل هذا من اجعل المعيشه فالكل ترك اهله فى وسط انتضار قدومه لهم لكى يعيشوا دون اللجوء او الاحتياج لاحد دون طلب المعونه من شخص او اخر

اما ذنبهم انهم ولدوا فقراء لا يجدون ما يقويهم على المعيشه ذنبهم ان يدفعو ذنب ناس اخرون وهم الذين من المفروض بان قبل ما يمدوا تصاريح العمل ان يذهبوا بالفعل ليروا الحقيقه ولكن لمن نشكوا الا لله

وفى النهايه اقول ان كل شىء بيد الله وكل هذا قدر ومكتوب

(وانا لله وانا ايه راجون)

وطبعا كلنا واقفين عندنا حالت زهول ...كنا عاوزين نعمل اى حاجة حتى كنا عاوزين نحفر بايدينا
بس انتوا طبعا عارفين الحكومة كانت منعانا اصل ياعينى خايفة علينا ...اما الناس اللى تحت سور المخزن مش مهم اهم حاجة احنا ....تصوروا الموقف لما يكون عامل بيشتغل معاك وفجأة
يبص حاولية ميلقيش صاحبة او زميلة فى العمل يعمل اية ...هوة دة اصعب موقف تعبنى لما قعد يقول للظباط ولفرق الانقاذ اعملوا اى حاجة انتو واقفين تتفرجوا على اية وتمنعوا الناس لية ياريتنا كنا سافرنا اى بلد تانية على الاقل كانت هاتهتم بينا شوية...بصراحة الكلام دة تعبنى جدا وساعتها عرفت قيمة البنى ادم عند الحكومة
تخيلوا الموقف لما يكون ناس ظاهرة قدام فرق الانقاذ ومش عارفة تتطلعها امال اللى كانوا تحت دول مين اللى كان هايلحقهم
بجد الموقف كان صعب قوى قوى لما كنا شايفين اللى طالع وماسك رغيف عيش متبت فية
واللى بيشيلوا من فوقة الخرسانة بتاعت السور شاربة كمية كبيرة من الدم دة بعد اية بعد مرور 3 ساعات ولسة محدش عارف فى حد لسة تحت ولا لاء
انا صورت صور للمخذن على قد ماعرفت طبعا انتوا عارفين فى الحاجات دى بيمنعوا الواحد ازاى بس انا صورت على قد ما اقدر وكنت ناوى اصور الجثث اللى كانت طالعة فى اكياس واللى كانت مقسومة النص بس بصراحة مقدرتش
طب الاهمال بتاع البلد دى هيفضل لحد امتى
انا بشوف فى برنامج على التليفزيون بيجيب كوارث جامدة وبالرغم من كدة بيسيطروا على الموقف جامد قوى
كل اللى نقدر نقولة قراءة الفاتحة على روح ال 5 اشخاص والدعوة للسادس المصاب دة لوكان لسة عايش
(وانا لله وانا الية راجعون)

البقاء لله وانا لله وانا اليه راجعون

وماينفعش اعلق عشان لو اتكلمت ممكن اروح هناك ومارجعش بس هقول حسبى الله ونعم الوكيل

فعلا ملقتش حاجة اقولها
انا لله وانا اليه راجعون

انا لله وانا الية راجعون بجد شيئ محزن

انا لله وانا الية راجعون

لا اله الا الله

والله حرام