اللهم بلغت اللهم فاشهد..."أذا كان الاهلى ناوى على البطوله"

أذا كان الاهلى ناوى على البطوله بجد .. لابد من اتباع تلك الخطوات

- اولا المرحله القادمه و هى تخطى دور ال16

1- الاهلى لازم يرجع غدا بدون الاحتفال اللى السفاره عملاه ده لهم و جوزيه يجبهم بلا فسح بلا بتاع لازم يحسوا بالخيبه اللى حصلت

2- الويشى بره ال18 اصلا "ده واحد قدامه سنتين عشان نقدر نقعده على الدكه"!

3- متعب يلعب من اول المباراه لان متعب بجد يعتبر مصدر خطورة الاهلى فى الهجوم.."و بصراحه هو اللى اعطانا امل للصعود دور ال8 ان شاء الله.

4- بركات "لا تعليق".. بس ممكن نعذره لان كان عنده اصابه عشان كده لازم يحاول يرجع لمستواه.

5- تريكه .. ماتفرقش كتير عن بركات.. زمان كان بيتقطع منك الكوره و نقول "ده مستواه وحش"..دلوقتى بقيت انت اللى تمرر الكوره للمنافسين"

6- الدفاع محتاج فى ظروف الغيابات و الاصابات "رامى عادل" يتجهز كويس..و متنسوش ان كده كده النحاس ماكنش هيلعب عشان الطرد اللى خده فى البطوله اللى فاتت..

7- جماهير الاهلى لازم تملى الملعب يا جماعه.. لازم مايكونشى فيه رجل لبنى ادم فى المباراه القادمه ان شاء الله

8- امير لازم يتظبط شويه برضه .. يتمرن اكتر.. هو مش وحش بس برضه مش حلو "و هنديله عذر انه بقالوا فتره غائب".

9- اينو لازم و لابد تجهيزه الفتره القادمه و يلعب اساسى كل مباريات الدورى عشان ياخد حساسية المباريات

10- شادى محمد بجد يعنى "لابد من ان جوزيه ياخد منه الشاره عشان يفوق".. هو اللى ضيعنا.. فالح بس يرفع ايده لحامل الرايه ال يعنى تسلل !!!..مش يروح يجرى على الكوره اللى بتدخل فينا جول.. يعنى شغل مدافعين الدرجه التانيه...!

و ربنا بقى يسهل و التوفيق يحالفنا و نكسب فى القاهره مستريح و نصعد للدور ال8

--------------------------

و يحلها الف حلال بقى فى دور ال8 و هيكون معانا ان شاء الله وائل جمعه و حسن مصطفى و احمد حسن و العجيزى

و برضه نفتكر اننا فى بطولة 2006 كسبنا اسيك 2/0 على ارضنا و خسرنا على ارضهم 3/1 .. فالنتيجه مهما كانت بتصب فى مصلحة الاهلى لانها تعتبر تعادل ..

اهم حاجه ان مايدخلش فينا و لا جول و نكسب مستريح ان شاء الله فى مباراة العوده..

عاوزين نوريهم فريق اخر غير الفريق اللى كان بيتمرن انهرضه فى الملعب.. ده مش فريق جاى يكسب ,لاعيبة الاهلى كانت كسبانه من داخلها من قبل ما يلعبوا اصلا و استهتروا و ضيعو فرص باستهتار الصراحه شديد.. و ممكن نقلب الموضوع ..اكنهم كانو كسبانين 2/0 و الاهلى جاب جول فى اخر دقيقه و قتها كنا هنرتاح و نطمن اكتر..

زملكاوي جدااااا
ولكن تهمني سمعة الكورة المصرية
وسمعة نادي القرن