الشياكة والراحة تبدأ من الحذاء

أكيد أي بنت هتقرا العنوان ده هتضحك وتقول في عقلها: معقول "الشياكة تبدأ من الحذاء؟! ده أنا آخر حاجة أفكر إني أجيبها هي الحذاء.. وأهم حاجة عندي هي اللبس!!...

طيب تعالِ نعمل مع بعض تجربة وهي إنك تلبسي طقم في منتهى الشياكة وتلبسي عليه حذاء مش شيك أو مش مناسب.. بذمتك مش هتلاقي نفسك حاسّة زي ما يكون ناقصك حاجة، ومش عارفة تمشي، ومكسوفة..

أكيد دلوقتي بتقولي إن كلامي صح ونفسك تعرفي ازاي تشتري حذاء شيك، وفي نفس الوقت يكون مريح.. هي معادلة صعبة شوية بس إنت عارفة إن مع قمر 14 مفيش أي حاجة صعبة نهائي...

علشان كده هاقولك دلوقتي على شوية نصائح هتساعدك على اختيار الحذاء المناسب ليكي، واللي في نفس الوقت يكون شيك ويريحك في اللبس..
أكيد مش محتاجة حد يقول لك إن راحتك تبدأ من راحة قدميك علشان كده يا ريت تختاري الحذاء اللي تحسي إنه هيريحك في اللبس وبلاش تجري وراء الموضة، وتختاري حذاء مش هيريحك لمجرد إنه موضة زي مثلاً: "إنك تختاري حذاء بكعب عالي علشان الكعب العالي موضة مع إنك متأكدة إنه هيتعبك ومش هيساعدك على الحركة".

لما تيجي تقيسي "الحذاء" اقفي بيه، وحاولي تمشي في المحل كذا مرة؛ علشان تشوفي رجلك عاملة فيه إيه؟؟
كتير مننا لما تيجي تشتري الحذاء وتحس إنه مش مظبوط صاحب المحل يقول الجملة دي: "ما تخافيش يا فندم ده هيريّح مع المشي".. بس بيني وبينك الجملة دي ما لهاش أي أساس من الصحة...

علشان كده عايزاكي تبقي ناصحة، ولو حاسة إن الحذاء ده مش مضبوط أو مش مريّح رجلك وأنت بتقيسيه يبقى غيّريه على طول؛ لأنه عمره ما هيريح معاكي وهيتعبك...

شوفي يا قمر.. الصيف ده نازلة تشكيلة هايلة من الأحذية بألوان وتصميمات متعددة..

فالبنسبة للألوان هتلاقي إن صيف 2008 بيتميز بوجود أحذية بألوان جريئة جدّاً فهتلاقي أحذية بألوان زي..