عنوان غريب ..! دايما بنكتب عن ازاى تخلى حد يحبك ، او ازاى تعرف لو حد بيحبك بس الموضوع ده مختلف شويه الموضوع ده هيقولك ازاى تحب حد لو انت عندك مشاكل فى حبه ، حتى لو كان جارحك وحتى لو كان الحد ده مش بيحبك.. لسه فى حاجات تقدر تعملها عشان تحبه
دلوقتى هديك مثال عشان الموضوع يبقى واضح اكتر تخيل لو انت متجوز والطرف التانى بيحبك جدا ، بس انت حبك ليه ابتدى يقل ، فى الحالة ده انت محتاج حاجه ترجعلك الحب ده عشان تنقذ العلاقة قبل ما تنهار.. صح؟ هو ده بالظبط اللى هنتكلم عنه فى الموضوع بتاعنا.. ازاى تحب حد انت مش قادر تحبه.
اقنع نفسك انك بتحب الشخص ده
اول خطوة تعملها عشان تحب حد انك تقنع نفسك ان انت فعلا بتحبه عقلك الباطن هيبتدى يكون اعتقاد جديد ويصدقك لو فضلت تكررها عليه بس مش معنى كده انك هتفضل طول الوقت تقول انا بحبه.. انا بحبه.. لازم تعمل حاجه اقوى تقنع اللاوعى بتاعك بالحب ده يعنى مثلا تروح للشخص ده وتقوله انا بحبك وانت بتقولها ليه هتبقى فى الحقيقه بتقولها لنفسك..بس تأثيرها أقوى لما تسمعها وانت بتقولهاله عن لما تقولها بينك وبين نفسك. وكل ما تقولها ليه اكتر ، كل ما هيزيد اقتناعك انت شخصيا بالحقيقه دى.
طب لو أنت أصلا بتكرهه ؟
تكرار الكلمة مش هيساعد لو الحقيقه اللى انت عايز تقنع بيها عقلك الباطن ، بتعارضها حقيقة تانيه لاوعيك مقتنع بيها ( وهى انك بتكرهه ) عشان كده لازم الاول نعمل عملية حذف للحقيقة الاولانيه او بمعنى تانى نشيل حقيقة انك بتكرهه من عقلك الباطن ، قبل ما نبدأ نقنعه انك بتحبه.
الكره : الكره عاطفه بيستخدمها عقلك الباطن عشان يحميك من أنك تقرب للاشخاص اللى بيمثلوا خطر على حالتك النفسيه ، على عيشتك عيشه جيده. وهتلاقى نفسك دايما بتبتدى تكره لما تكون فى موقع الشخص الاضعف. بتكره الاشخاص اللى بيستغلوك ، بيستغلو ضعفك ، بتكره اللى بيجرحوك ، وبتكره الاشخاص اللى بيمثلوا تهديد بالنسبالك.
طيب دلوقتى لما تبص للكره من الناحيه دى ، هتلاقى ان الشخص اللى لازم يتغير هو انت ، مش الشخص التانى. لو علمت نفسك انك تتكيف وتقدر تتعامل مع الناس حتى لو كانوا مش كاملين ، مش 100% كويسين ، هتلاقى فى النهاية انك مش بتكره اى حد. حاجة تانيه هتساعدك عشان متكرهش ، دايما بص للنية الحقيقه اللى خلت الشخص يتصرف التصرف اللى ضايقك ، و متبصش للتصرف نفسه وتحكم عليه منه. بمعنى تانى ركز على الدوافع مش على التصرفات. وخلى نظرتك للموقف نظرة عميقة مش سطحية. بالطريقة دى هتكتشف ان فى ناس كتير مش بتقصد فعلا الإساءة أو الضرر، حتى لو كانوا بيسيئوا ليك وبيأذوك بالفعل. ناس تانيه بتبان وحشه وهى فى الحقيقه تصرفتها مبنيه على الخوف او نقص فى الثقه بالنفس. طيب يبقى متبصش للناس نظرة سطحيه ، وخلى نظرتك عميقة ، هتكتشف ان ناس كتير متستحقش الكره اللى انت حسه من نحيتهم.
تخيل نفسك معاه
لما تكون عايز تنسى او تتجاوز شعور الحب ناحية شخص معين اكبر غلط ممكن تقع فيه انك تتخيل انك معاه فى مواقف واحداث مختلفه.. على العكس تماما لما تكون عايز تحب حد ، لازم تتخيل نفسك معاه ، وتفكر دايما انه معاك فى كل مكان... بكده هتقوى فكرة انك عايز تكون معاه وهتأكدها لعقلك الباطن.
اقضى معاه اكبر وقت ممكن
متتجنبش الشخص اللى بتحاول انك تحبه بالعكس اقضى اكبر وقت معاه ، قربك ليه مش بس هيزود الالفه والموده بينكم ، ده كمان بيقوى الاعتقاد فى عقلك ان انت بتحبه.
فى كل مره بتقابله فيها بتبعت لعقلك الباطن رسالة قوية بتقوله ان الفرصه موجوده ليك مع الشخص ده ، وانكم ممكن فى يوم من الايام تكونوا لبعض.
طب لو جربت كل اللى فات ده وبرضو مش قادر تحبه
فى الحالة دى هتسأل نفسك شوية اسألة بس لازم الاول تبعد مشاعرك تماما وتتأكد انك هتسأل وترد بعقلك بس..
1- هل انا بحاول احبه عشان حاسس بالذنب نحيته ؟؟ ( طبعا ده فى حالة انه يكون بيحبك وانت مش بتبادله الحب ده )
2- هل الشخص ده مناسب ليا؟ هل فى تكافوء بينى وبينه فى القيم والمستوى؟
3- طب لو انا حبيته مستقبلنا هيبقى ازاى؟ هل هننجح مع بعض؟
4- هل علاقتى بيه هتخلى حياتى افضل ولا هتنزلنى للأسوأ؟
بعد ما سألت نفسك ،، لو لاقيت انك كنت بتحاول تحبه عشان حاسس بالذنب او اى دافع تانى غير الحب بجد يبقى من الاول انت غلطت فى محاولاتك انك تحبه وفى الحاله دى احسن حل ليه وليك انك تعتبره مجرد صديق.
عنوان غريب ..! دايما بنكتب عن ازاى تخلى حد يحبك ، او ازاى تعرف لو حد بيحبك بس الموضوع ده مختلف شويه الموضوع ده هيقولك ازاى تحب حد لو انت عندك مشاكل فى حبه ، حتى لو كان جارحك وحتى لو كان الحد ده مش بيحبك.. لسه فى حاجات تقدر تعملها عشان تحبه
دلوقتى هديك مثال عشان الموضوع يبقى واضح اكتر تخيل لو انت متجوز والطرف التانى بيحبك جدا ، بس انت حبك ليه ابتدى يقل ، فى الحالة ده انت محتاج حاجه ترجعلك الحب ده عشان تنقذ العلاقة قبل ما تنهار.. صح؟ هو ده بالظبط اللى هنتكلم عنه فى الموضوع بتاعنا.. ازاى تحب حد انت مش قادر تحبه.
اقنع نفسك انك بتحب الشخص ده
اول خطوة تعملها عشان تحب حد انك تقنع نفسك ان انت فعلا بتحبه عقلك الباطن هيبتدى يكون اعتقاد جديد ويصدقك لو فضلت تكررها عليه بس مش معنى كده انك هتفضل طول الوقت تقول انا بحبه.. انا بحبه.. لازم تعمل حاجه اقوى تقنع اللاوعى بتاعك بالحب ده يعنى مثلا تروح للشخص ده وتقوله انا بحبك وانت بتقولها ليه هتبقى فى الحقيقه بتقولها لنفسك..بس تأثيرها أقوى لما تسمعها وانت بتقولهاله عن لما تقولها بينك وبين نفسك. وكل ما تقولها ليه اكتر ، كل ما هيزيد اقتناعك انت شخصيا بالحقيقه دى.
طب لو أنت أصلا بتكرهه ؟
تكرار الكلمة مش هيساعد لو الحقيقه اللى انت عايز تقنع بيها عقلك الباطن ، بتعارضها حقيقة تانيه لاوعيك مقتنع بيها ( وهى انك بتكرهه ) عشان كده لازم الاول نعمل عملية حذف للحقيقة الاولانيه او بمعنى تانى نشيل حقيقة انك بتكرهه من عقلك الباطن ، قبل ما نبدأ نقنعه انك بتحبه.
الكره : الكره عاطفه بيستخدمها عقلك الباطن عشان يحميك من أنك تقرب للاشخاص اللى بيمثلوا خطر على حالتك النفسيه ، على عيشتك عيشه جيده. وهتلاقى نفسك دايما بتبتدى تكره لما تكون فى موقع الشخص الاضعف. بتكره الاشخاص اللى بيستغلوك ، بيستغلو ضعفك ، بتكره اللى بيجرحوك ، وبتكره الاشخاص اللى بيمثلوا تهديد بالنسبالك.
طيب دلوقتى لما تبص للكره من الناحيه دى ، هتلاقى ان الشخص اللى لازم يتغير هو انت ، مش الشخص التانى. لو علمت نفسك انك تتكيف وتقدر تتعامل مع الناس حتى لو كانوا مش كاملين ، مش 100% كويسين ، هتلاقى فى النهاية انك مش بتكره اى حد. حاجة تانيه هتساعدك عشان متكرهش ، دايما بص للنية الحقيقه اللى خلت الشخص يتصرف التصرف اللى ضايقك ، و متبصش للتصرف نفسه وتحكم عليه منه. بمعنى تانى ركز على الدوافع مش على التصرفات. وخلى نظرتك للموقف نظرة عميقة مش سطحية. بالطريقة دى هتكتشف ان فى ناس كتير مش بتقصد فعلا الإساءة أو الضرر، حتى لو كانوا بيسيئوا ليك وبيأذوك بالفعل. ناس تانيه بتبان وحشه وهى فى الحقيقه تصرفتها مبنيه على الخوف او نقص فى الثقه بالنفس. طيب يبقى متبصش للناس نظرة سطحيه ، وخلى نظرتك عميقة ، هتكتشف ان ناس كتير متستحقش الكره اللى انت حسه من نحيتهم.
تخيل نفسك معاه
لما تكون عايز تنسى او تتجاوز شعور الحب ناحية شخص معين اكبر غلط ممكن تقع فيه انك تتخيل انك معاه فى مواقف واحداث مختلفه.. على العكس تماما لما تكون عايز تحب حد ، لازم تتخيل نفسك معاه ، وتفكر دايما انه معاك فى كل مكان... بكده هتقوى فكرة انك عايز تكون معاه وهتأكدها لعقلك الباطن.
اقضى معاه اكبر وقت ممكن
متتجنبش الشخص اللى بتحاول انك تحبه بالعكس اقضى اكبر وقت معاه ، قربك ليه مش بس هيزود الالفه والموده بينكم ، ده كمان بيقوى الاعتقاد فى عقلك ان انت بتحبه.
فى كل مره بتقابله فيها بتبعت لعقلك الباطن رسالة قوية بتقوله ان الفرصه موجوده ليك مع الشخص ده ، وانكم ممكن فى يوم من الايام تكونوا لبعض.
طب لو جربت كل اللى فات ده وبرضو مش قادر تحبه
فى الحالة دى هتسأل نفسك شوية اسألة بس لازم الاول تبعد مشاعرك تماما وتتأكد انك هتسأل وترد بعقلك بس..
1- هل انا بحاول احبه عشان حاسس بالذنب نحيته ؟؟ ( طبعا ده فى حالة انه يكون بيحبك وانت مش بتبادله الحب ده )
2- هل الشخص ده مناسب ليا؟ هل فى تكافوء بينى وبينه فى القيم والمستوى؟
3- طب لو انا حبيته مستقبلنا هيبقى ازاى؟ هل هننجح مع بعض؟
4- هل علاقتى بيه هتخلى حياتى افضل ولا هتنزلنى للأسوأ؟
بعد ما سألت نفسك ،، لو لاقيت انك كنت بتحاول تحبه عشان حاسس بالذنب او اى دافع تانى غير الحب بجد يبقى من الاول انت غلطت فى محاولاتك انك تحبه وفى الحاله دى احسن حل ليه وليك انك تعتبره مجرد صديق.
[/size]
[/center] [/size][/center]
kimo_trix مشرف القسم الإسلامي
عدد الرسائل : 5252 العمر : 36 تاريخ التسجيل : 26/04/2008
موضوع: رد: ازاى نحب حد الإثنين مايو 12, 2008 10:46 am
مشكووووووووووووورة بس الحب مش بالعافية
the_red_rose مشرف
عدد الرسائل : 6328 العمر : 37 تاريخ التسجيل : 20/04/2008
موضوع: رد: ازاى نحب حد الإثنين مايو 12, 2008 3:22 pm
ساعات بيكون بالعافية لما الناس تشوف ان ده الصح مشكورة يارورو
شيتوس ميجاتي اصلي
عدد الرسائل : 5006 العمر : 32 تاريخ التسجيل : 20/04/2008
موضوع: رد: ازاى نحب حد الإثنين مايو 12, 2008 4:16 pm
لأ طبعا مش بالعافية انت مش هتضرب قلبك عشان يحب ولا هتضرب قلب اللى بتحبه عشان يحبك مشكووورة ع المروووووور
RaRo ميجاتي اصلي
عدد الرسائل : 3089 العمر : 35 تاريخ التسجيل : 26/04/2008
موضوع: رد: ازاى نحب حد الإثنين مايو 12, 2008 5:23 pm
لا يا جماعة دى مجرد حجات علشان ازاى نحب منكرهش
MATRIX ميجاتي
عدد الرسائل : 102 العمر : 35 تاريخ التسجيل : 26/04/2008
موضوع: رد: ازاى نحب حد الإثنين مايو 12, 2008 10:29 pm
بس ممكن كل متقرب من الانسان الى بيحبك انت كمان تحبه
angel-of-heaven مشرف
عدد الرسائل : 782 العمر : 39 تاريخ التسجيل : 20/04/2008
موضوع: رد: ازاى نحب حد الأربعاء مايو 14, 2008 12:05 am
ميرسى جدا
RaRo ميجاتي اصلي
عدد الرسائل : 3089 العمر : 35 تاريخ التسجيل : 26/04/2008
موضوع: رد: ازاى نحب حد الأربعاء مايو 14, 2008 12:09 am
صح عندك حق يا محمود
ميرسى على المرور
mido adel ميجاتي متميز
عدد الرسائل : 805 العمر : 37 تاريخ التسجيل : 12/05/2008
موضوع: رد: ازاى نحب حد الأربعاء مايو 14, 2008 2:56 am
انا راى لو كان انسان يستاهل ان واحد يحبه اكيد هيحبه لكن لو مش يستاهل فعلى الاقل منكرهوش يبقى نتجنبه من الافضل او نبعد عنه الا الكراهيه ده كفايه كلمه كراهيه مجرد تقولى بكرهه مش عارف مين حاجه كبيره قوى ومش محببه
موضوع: ازاى نحب حد 
الإثنين مايو 12, 2008 8:40 am
